Хүн хүний ордуудыг харах өнцөг харилцан адилгүй байдаг шиг зурхайчдын ордуудын ямар онцлогийг тодорхойлж зурах вэ? гэдэг арга барил ч өөр өөр байдаг.
Гарчгаасаа л хачирхан сонирхмоор санагдах энэхүү зурлагыг 1980-аад оноос зурхайтай амьдралаа холбосон АНУ~ын зурхайч, зохиолч Donna Stellhorn гаргасан юм.
Тэрээр зурхайн ухаантай холбоотой 20 гаруй ном бүтээл туурвисан бөгөөд жилдээ 1000 гаруй цагийг зурхайн зөвлөгөө өгөхөд зориулдаг гэнэ.
Ингээд 40 гаруй жилийн туршлагатай түүний таны ордын талаар хэн хүний мэдэхгүй ямар сонихон онцлогийг тодорхойлсныг үргэлжлүүлэн уншицгаая.
Хонины орд
- Хонины ордод төрсөн хүмүүсийн ихэнх нь духан дээрээ сорвитой
Төрөлхийн манлайлах чадвараараар гайхагдсан хүмүүс мэндэлдэг энэ ордынхон өөртөө итгэлтэй байдал, эр зоригоороо алдартай. Багаасаа л адал явдал эрэлхийлсэн, шинэ сорилт, туршлагад нээлттэй ханддаг, гэхдээ хэтэрхий яарах хандлагатайгаасаа болж толгой, нүүрэндээ ихэвчлэн сорвитой болсон байдаг.
Үхрийн орд
- Үхрийн ордынхон бусад ордоос илүү өндөр орлоготой
Энэ ордынхон асуудалд бодитой ханддаг, хариуцлагатай, туршлагатай хүмүүс байдаг. Өглөөг үзэн ядаж сэрдгээс бусдаар төлбөрөө нэг ч удаа хоцроож байгаагүй, ямар ч үед хүссэнээ худалдан авах чадвартай. Судалгаагаар тэднийг жилд $100.000 гаруй ам.долларын орлого олдог гэдгийг тодорхойлсон байдаг.
Ихрийн орд
- Нобелийн шагнал хүртэгчдийн олонх нь ихрийн ордод төрсөн хүмүүс байдаг
Ихрийн ордынхон аливааг хурдан сурдаг, ямарваад амархан дасан зохицож чаддаг, санаагаа маш тодорхой илэрхийлдэг. Түүнчлэн үнэхээр оюунлаг хүмүүс байдгийг илтгэх нэгэн судалгаа байдаг. 1901 ~ 2014 онд Нобелийн шагнал хүртсэн 900 хүний хамгийн олон буюу 10.90% нь ихрийн ордод төржээ.
Мэлхийн орд
- Мэлхийн ордод төрсөн ихэнх хүмүүсийн царай дугуй төрхтэй
Үнэнч, найдвартай, сэтгэлийн хөдөлгөөн ихтэй хүмүүс төрдөг мэлхийн ордыг сар эрхшээдэг. Энэ ч утгаараа эрхшээгч эрхсийнхээ онцлогийг өвлөж төрсөн хүмүүс цөөнгүй байдаг. Тэгэхээр энэ ордод төрсөн ихэнх хүмүүс сар шиг дугуй царайтай, хорвоо дээр ганцхан хувь хийгдсэн бүтээгдэхүүнд дуртай.
Арслангийн орд
- Арслангийн ордынхон №1 худалдааны төлөөлөгчид болдог
Бүтээлч харах өнцөг, өвөрмөц сэтгэлгээтэй төрсөн арслангийн ордынхон энэ чадвараа карьертаа ашиглах хэрэгтэй. Шоу хийхдээ хэнийг нь өмнөө оруулахгүй болохоор №1 худалдааны төлөөлөгч, менежер болж чаддаг. Төрөлхийн өтгөн сэвлэгтэй мэндэлдэг нь ч ордынх нь онцлог, мэдрэмжтэй ашиглаарай.
Охины орд
- Охины ордынхон сургуулиа бусад ордынхноос илүү өндөр үнэлгээтэй төгсдөг
Энэ ордод төрсөн хүмүүс аливааг нарийвчлан шинжилж дүгнэдэг, асуудалд бодитоор ханддаг, шаргуу ажилладаг. Энэ ч утгаараа 10 жил болон их сургуулийн ангийнхаа шилдэг нь байдаг. Ямар зорилгоор яаж суралцах вэ? гэдгээ мэддэг учраас үргэлж хичээнгүй суралцсаар хамгийн өндөр үнэлгээг авдаг.
Жинлүүрийн орд
- Жинлүүрийн ордод төрсөн хүмүүсийн олонхынх нь хацар хонхойдог
Сошиал харилцаандаа хамгийн идэвхтэй ханддаг жинлүүрийн ордынхон нийгмийнхээ тренд тогтоогчид байдаг. Ёс зүйтэй амьдрахыг хэнээс ч илүү эрхэмлэдэг тэдний гоо үзэсгэлэнг бишрэхгүй байхын аргагүй. Дэлхийн нийт хүн амын 20 хувийнх нь хацар хонхойдог гэвэл жинлүүрийн ордынхон хамгийн олон нь.
Хилэнцийн орд
- Хилэнцийн ордод төрсөн ихэнх хүний үс дух руугаа V хэлбэрээр түрж ургасан байдаг
Хилэнцийн ордод төрсөн хүмүүс өнгөрч байгаа хором, мөчөө 100% мэдэрч амьдардаг. Энэ ч утгаараа амьдралынхаа аль ч секторыг тэнцвэртэй хөгжүүлдэг. Гэхдээ тэдэнд заяасан нэг сонирхолтой онцлог нь тэдний үс байдаг. Ихэнхийнх нь дух руугаа V хэлбэрээр түрж ургадаг. Яг Wednesday Addams~ийнх шиг.
Нумын орд
- Нумын ордод төрсөн ихэнх хүний төрх зууван
Энэ ордод төрсөн хүмүүсийг хамгийн идеалист сэтгэлгээтэй, эерэг хандлагатай нь гэж тодорхойлно. Бүхнээ 100% зориулдаг тэдэн шиг хүмүүс хорвоод цөөхөн байдаг. Хийморьлог амьдардаг нь ордынх нь бэлгэ тэмдгээс эхтэй. Нум агссан кентавраар дүрслэгддэг гэдэг утгаараа олонх нь урт, зууван төрхтэй төрдөг.
Матрын орд
- Матрын ордынхон наснаасаа овор багатай харагддаг
Шударга, хөдөлмөрч, хариуцлагатай матрынхан амьдралаа тэнцвэртэй авч явдаг. Сэтгэлдээ үргэлж урт хугацааны төлөвлөгөөгөө бодож шаргуу хөдөлмөрлөдөг. Хааяахан хэт шунаж ажиллах хандлагатай хэдий ч өөрийгөө хайрлахаа мартдаггүй. Энэ ч утгаараа олонх нь наснаасаа хамаагүй овор багатай харагддаг.
Хумхын орд
- Хумхын ордод төрсөн хүмүүсийн олонхынх нь гар, хөл мөс шиг хүйтэн байдаг
Биеэ даасан, чөлөөт сэтгэлгээтэй тэднийг үргэлж хөлдүүс царайлчихсан явж байдаг гэдгийг олон хүн мэдэхгүй. Хачин санагдах ч энэ ордод төрсөн ихэнх хүний гар, хөл мөс шиг хүйтэн байдаг. Яагаад гэвэл ордынх нь онцлог, биеийн цусны эргэлтийг хариуцдаг. Үүгээр тэдний насан турш халуун дулааныг мөрөөсөх хүслийг тайлж болно.
Загасны орд
- Загасны ордод төрсөн хүмүүст 7~ийн тоо аз авчирна
Төрөлхийн өндөр мэдрэмжтэй, гайхамшигтай бүтээлч сэтгэлгээтэй загасны ордынхон ихэвчлэн урлагийн мэргэжлээр ажиллавал амжилт гаргадаг. Тэгвэл тэднийг амжилт гаргахад нөлөөлөх тоо нь 7 байдаг гэнэ. 07:07 цагийг байнга хардаг юм биш биз? Хэрвээ тэгвэл энэ цаг чиний шинийг эхлүүлэх төгс цаг байна.