АНУ~ын зохиолч, продюсер George R. R. Martin (1948.09.20~нд төрсөн ♍)~ийн уран зөгнөлт A Song of Ice and Fire романаас сэдэвлэн бүтээсэн №2 дахь телевизийн цуврал House of the Dragon~ийн хоёрдугаар улирлын ангиуд үзэгчдийн хүртээл болж өндөрлөлөө.
Энэхүү цувралд романаар бүтээгдсэн №1 дэх Game of Thrones (2011~2019) цувралын үйл явдлаас даруй 200 жил, Шуурганаар төрөгч, луугийн эх Daenerys Targaryen~ийг төрөхөөс 172 жилийн өмнөх өрнөлийг харуулдаг.
Энэ үеэс хамгийн онцлох дүрслэл нь луунууд бөгөөд одоогоор мэдэгдэж байгаа 29 луу (HBO~ийн мэдээлснээр 17) байна. Тэдний гурав (Drogon, Rhaegal, Viserion) нь GOT дээр гардаг бол үлдсэн 26 нь HOD дээр дүрслэгддэг.
Westeros~т луунууд бол зүгээр ч нэг эрх мэдэл, эрч хүчний бэлгэдэл болдоггүй. Луугийн цустай гэж итгэдэг Targaryen~чууд өөрсдийгөө луу шиг хүчирхэг гэж үздэг төдийгүй тэдэнтэйгээ сэтгэлийн маш гүн холбоог хуваалцаж мэдэрдэг.
Хэрвээ GOT, HOD~ийн үнэнч шүтэн бишрэгч бол цувралын ямар дүр эсвэл ямар үйл явдал сэтгэлийг нь хамгийн их хөдөлгөсөн бэ? Хэрвээ цаг хугацаагаар аялж HOD~ийн ертөнцөд очвол аль лууг нь унаж үзэх байсан бэ? Бодол vs. доорх таны ордын зурхай хоорондоо нийцэж байна уу?
Ингээд хамтдаа хүн төрөлхтний хязгааргүй сэтгэлгээний гайхамшгаас урган гарч (танд ч гэсэн боломж бий) дэлгэцнээ бүтээгдсэн House of the Dragon~ийн ертөнцөөр хэсэгхэн аялцгаая.
Ордууд аль лууг нь унах байсан бэ?
Хонины орд
- Өөр нэршил: The Blood Wyrm
- Унаач: Aemon Targaryen, Daemon Targaryen
- Биеийн урт: 39.6 м ~ 42.6 м
Биеэ даасан, харгис хэрцгий, мятаршгүй зоригтой энэ лууг ханхүү Daemon Targaryen~ийн луун хувилбар гэж үздэг. Хонины ордынхны хэнээс ч хамаардаггүй, хүсэл тэмүүлэлтэй, эрч хүчтэй зан чанарт Caraxes луу тохирно. Энэ луу яг чам шиг хэзээ ч амар тайван байдаггүй, тэмцэлд үргэлж бэлэн байдаг. Та хоёр хамтдаа нисэхэд нэгнээ мэдрэхгүй гэсэн шалтгаан үгүй.
Caraxes~ийн толгойг чононоос, далавчийг нь Microraptor үлэг гүрвэлээс санаа авч бүтээсэн юм байна.
Үхрийн орд
- Өөр нэршил: The Bronze Fury
- Унаач: Jaehaerys I Targaryen, Hugh (Jaehaerys I Targaryen~ийн бутач)
- Биеийн урт: 60.9 м
Хүрлийн өнгөтэй Vermithor лууны онцлог нь тэвчээртэй, үнэнч зан төрхтэй. Энэ чанараараа хэн хүний итгэлийг бүрэн даадаг хувиршгүй үхрийн ордынхонд 100% зохицно. Үхрийнхэн шиг уламжлалаа хүндлэн биширдэг, тогтвортой байдлыг хүсэх хүсэл тэдэнд бий. Барагтай л бол тэвчээр алддаггүй, хэний ч нөлөөнд автдаггүй ч нэг аашлахаараа ямар авир гаргадгийг тодхон харсан биз ээ.
Vermithor нь Balerion болон Vhagar~тай эн зэрэгцэхүйц том биетэй.
Ихрийн орд
- Өөр нэршил: The Red Queen
- Унаач: Alyssa Targaryen, Rhaenys Targaryen
- Биеийн урт: 45.7 м ~ 48.7 м
Энэ луу ихрийн ордынхны хурдан сэтгэх чадвар, өсөж хөгжих тэмүүллийг илэрхийлнэ. Улаан хайрст Meleys яг чам шиг сүр жавхлантай, овсгоотой, аливаад амархан дасан зохицох чадвартай. Энэ амьтан та нарт шинэ санаа олоход тусална. Та хоёр хамт байвал арга мухардсан ямар ч үед оновчтой шийдвэр гаргах болно.
Meleys нь Caraxes болон Vhagar~аас хурдан ч Vhagar, Sunfyre хоёрт алагдсан.
Мэлхийн орд
- Өөр нэршил: Байхгүй
- Унаач: Ser Laenor Velaryon, Addam of Hull (Corlys Velaryon~ийн бутач)
- Биеийн урт: 30.4 м
Сэтгэлийн хөдөлгөөнөөр нь бүхнийг мэдэрдэг, өмөг түшигтэй энэ луу мэдрэмжтэй, мэдрэмтгий зан төрхтэй мэлхийн ордынхонд тохирно. Усан ногоон нүдтэй, мөнгөлөг саарал өнгөтэй Seasmoke унагчаа үргэлж хамгаалдаг, түүнтэйгээ 100% сэтгэлээрээ холбогдож чадна.
Seasmoke~ийн өнгийг ус, далайг илэрхийлдэг гэдэг. Тэгвэл ус нь мэдрэмтгий байдлын тусгал болно.
Арслангийн орд
- Өөр нэршил: Sunfyre the Golden
- Унаач: Aegon II Targaryen
- Биеийн урт: 33.5 м
Хэрвээ чи өөрийгөө HOD~ийн ертөнцийн нэг хэсэг гэж төсөөлбөл энэ ертөнцөд чиний унах луу нь сүр жавхлантай, ихэмсэг төрх, нөлөө бүхий эрх мэдэл, чадвартай Sunfyre байх болно. Төрөлхийн манлайлах авьяастай, анхаарлын төвд байх дуртай чанараараа хэн хэнтэйгээ 100% тохирно. Алтлаг өнгийн хайрст энэ луутай арслангийнхан хөх тэнгэрт бусдаас илүү гялалзаж, хүндэтгэлтэйгээр дүүлэн нисэх болно.
Sunfyre~ийг HOD~ийн ертөнцийн хамгийн хараа булаам луу байсан гэж үздэг ба үлээх гал нь ч мөн бие шигээ алтны өнгөтэй.
Охины орд
- Өөр нэршил: The Blue Queen
- Унаач: Daeron Targaryen
- Биеийн урт: 30.4 м
HOD~ийн ертөнцийн түүхэд түүнээс илүү дайтах ухаанаараа гайхагдсан луу байгаагүй гэдэг. Тэгэхээр түүний баатарлаг зориг, дайны ур чадвар нь ухаалаг, стратегич охины ордынхонтой 100% тохирно. Хэн хэнтэйгээ харилцан уялдаж, нэгэндээ заяагаагүй чадвараа та хоёр нөхөх болно.
Tessarion кобальтан цэнхэр өнгийн галаар үлээдэг.
Жинлүүрийн орд
- Өөр нэршил: Байхгүй
- Унаач: Rhaenyra Targaryen
- Биеийн урт: 30.4 м
Дарь эхийн нэрээр нэрлэсэн энэ луу Rhaenyra Targaryen~ийн багаас нь өсгөсөн луу бөгөөд шаардлагатай үед хүчээ ашигладаг, гэхдээ үргэлж эргэн тойрныхноо хамгаалдаг. Тэгэхээр амьдралынхаа турш шударга ёс, тэнцвэртэй байдал, хамгаалалтыг хүсдэг жинлүүрийн ордынхонтой 100% зохицно. Хэрвээ HOD~ийн ертөнцөд амьдардаг байсан бол Syrax~тай хамт бусдад өгөхөөр зорьдог амар амгалангаа мэдрүүлэх болно.
Syrax харьцангуй догшин луу ч Caraxes шиг дайтах туршлагатай биш.
Хилэнцийн орд
- Өөр нэршил: Бүх луунуудын хатан
- Унаач: Visenya Targaryen, Baelon Targaryen, Laena Velaryon, Aemond Targaryen
- Биеийн урт: 73.1 м ~ 76.2 м
HOD~ийн ертөнцийн сүрлэг луунуудын нэг Vhagar хилэнцийнхэн шиг хүссэнээ олж авахаас нааш хэзээ ч бууж өгдөггүй, тууштай, үнэнч хандлагатай. Хэн хэн нь нөөц бололцоогоо 100% дайчилдаг, тэмүүлэлтэй, хичээл зүтгэлтэй. Зорилготой, зоримог, шийдэмгий хилэнцийн ордынхонд Vhagar л тохирно.
Vhagar~ийн амьсгал ямар ч хуягийг торолгүй хайлуулж, хүлэг баатрынх нь биеийг хуягтаа шарагдаж үхэхээр халуун гэдэг.
Нумын орд
- Өөр нэршил: The Black Dread
- Унаач: Aegon I Targaryen, Maegor I Targaryen, Aerea Targaryen, Viserys Targaryen
- Биеийн урт: 91.4 м (+)
Нумын ордынхны эрх чөлөөг хүсдэг, адал явдал эрэлхийлдэг зан чанар Balerion~той 100% хосолно. HOD~ийн ертөнцийн түүх дэх хамгийн хүчтэй галаар үлээдэг энэ луу нумын ордод төрсөн хүн ямар байх ёстой вэ? гэдгийг бүрнээ мэдрүүлэх болно. Та хоёр хамтдаа танигдаж судлагдаагүй олон шинэ газар орон, соёлын түүхийг нээнэ.
Balerion~ийн галд ган хайлж, чулуу үйрч, элс шил болдог гэнэ.
Матрын орд
- Өөр нэршил: Байхгүй
- Унаач: Rhaenys Targaryen
- Биеийн урт: 42.6 м (+)
HOD~ийн ертөнцөд матрын ордынхон Meraxes~тай олон чанараараа нийцнэ. Зарчимдаа үнэнч, амбицтай матрынхан түүнтэй холбогдсоноор төсөөлснөөсөө ч өндөр амжилт гаргаж, нэр алдарт хүрнэ. Хэн хэнийгээ 100% мэдэрвэл хорвоог хүссэнээрээ байлдан дагуулах боломжтой. Эрх мэдэлтэй, эрч хүчтэй, зоригтой шийдэмгий байдал нь та хоёрын үнэ цэн байна.
Алтлаг нүдтэй, мөнгөлөг хайрстай Meraxes морьдыг бүхлээр нь торохгүйгээр залгидаг.
Хумхын орд
- Өөр нэршил: Байхгүй
- Унаач: Rhaena Targaryen, Helaena Targaryen
- Биеийн урт: 30.4 м
Шинийг эрэлхийлэх дуртай, биеэ даасан зан чанартай энэ луу хумхын ордынхны инновац бүтээх хүсэл, алсыг харах чадвар, хүсэл тэмүүлэлтэй нийцнэ. Хэрвээ түүнийг унавал бүтээлч сэтгэлгээ, хүсэл зориг ба хүнлэг сэтгэлээрээ бусдад урам зориг өгөх болно. Dreamfyre сорилтод үргэлж нээлттэй ханддаг, яг хумх шиг. HOD~ийн ертөнцөд та хоёр үе дамжин дурсагдах мөрийг үлдээж чадна.
Dreamfyre HOD~ийн ертөнцийн хамгийн үзэсгэлэнтэй луунуудын нэг бөгөөд сэтгэл санааныхаа төлөвөөс хамаарч нүднийхээ өнгийг өөрчилдөг.
Загасны орд
- Өөр нэршил: Байхгүй
- Унаач: Jacaerys Velaryon
- Биеийн урт: 18.2 м ~ 21.3 м
Зөн мэдрэмж өндөртэй, мөрөөдөмтгий энэ луу загасны ордынхны гүн мэдрэмж, үнэнч хандлагатай 100% тохирно. HOD~ийн ертөнцөд Vermax~тай хамт адал явдал, шинэ сорилтод өөрийгөө нээхээс гадна хэтийг харж, хийж бүтээх чадвараа ашиглаж, зоримог шийдвэр гаргаж идэвхтэй амьдрах хэрэгтэйг нь сануулах болно. Хэн хэн нь энэрэх сэтгэлтэй, маш гүн мэдрэмжтэй байна.
Vermax~ийн өнгө номд дурдагдаагүй байдаг гэнэ. Гэхдээ G.R.R.M~ийн багийнхны тодорхойлсноор HOD~ийн ертөнцөд оливын ногоон өнгийн хайрстайгаар дүрслэгджээ.